Kinumpirma ni Associate Justice Karl Miranda kan Sandiganbayan Third Division an pag-isyu nin arrest warrant kontra ki Senator Rodante Marcoleta.
An warrant an katakod kan kasong plunder na isinunad kan Office of the Ombudsman kan nakalihis na semana, kun sain inakusaran an senador na dae nagdeklarar nin P75 milyon na campaign donations sa saiyang Statement of Contributions and Expenditures (SOCE) asin Statement of Assets, Liabilities, and Net Worth (SALN).
Kaibanan man sa sinunadan nin kaso si dating Rep. Michael Defensor asin mga negosyanteng sinda Joseph Espiritu asin Aristotle Viray, na nahahampang man sa pagbayolar sa Presidential Decree No. 46, na nagbabawal sa mga opisyal kan gobierno na mnagresibe nin regalo o donasyon na may katakod sa saindang mandato.
An pangenot na kaso an na-raffle sa Sandiganbayan Third Division na pinamamayuhan ni Justice Miranda.
Tinawan duon ni Justice Miranda na an pag-isyu nin arrest warrant an patunay kan determinasyon kan korte na ipaotob an ley asin papanimbagon anmga opisyal na pig-aakusaran nin korapsyon.
