LEGAZPI CITY-Ipigsugo kan Sandiganbayan Third Division an warden kan Bureau of Jail Management and Penology (BJMP) na iproseso si dating House Speaker Martin Romualdez bilang sarong detention prisoner katakod kan sarong plunder case na imbuelto an suboot P7.4-billion na infrastructure kickback scheme.
An korte kontra sa korapsyon itinalaan an saiyang arraignment asin pre-trial sa Setyembre 14.
Alagad, segun sa Philippine National Police (PNP), an dating opisyal nagtetenir na “medically unfit to travel,” basado sa medical certification na pig-isyu kan saiyang mga doctor sa Cardinal Santos Medical Center.
Magigirumduman na si Romualdez inarestar asin isinairarom sa kustodiya kan pulis sa ospital kan nakaaging Lunes mantang nagpaparahay sa suboot cardiovascular event, hypertension, asin panic attack.
Pinagbotan man kan korte an saiyang mga doktor na nag-aataman na magsumiter nin opisyal na report manungod sa saiyang aktwal na kamutakang medikal.
Mientrastanto, an Criminal Investigation and Detection Group (CIDG) padagos na nakikipagkoordinar sa ospital, pigbabantayan an estado kan saiyang salud nganing personal na maipresentar sa korte enkaso magrahay an saiyang kondisyon.
