LEGAZPI CITY-Naghagad na nin dialogo sa Sangguniang Bayan an konseho kan Barangay San Ramon sa Daraga Albay ngani ngani maresolbaran na an problema sa langaw asin basura sa saindang lugar.
Segun kay Punong Barangay Kap Joel Llandelar, sa intrevista kan Bombo Radyo Legazpi na nagkokondusir sinda nin inspeksyon sa nasabing farm asin sanitary landfill asin nahihiling man ninda na nagbabayolar an mga ini.
Tulos man suboot sindang nag-aapod sa Municipal Environment and Natural Resources Office (MENRO) ngani mag-inspeksyon sa site asin hilingon kun nagsusunod ini sa pigpapaotob na regulasyon.
Aram man suboot kan konseho na kadakol nang reklamo an mga residente asin an parehong pag-krear nin problema kan duwang establisimiento.
Kun kaya nangapudan na sinda nin tabang sa Municipal level asin kay Governor Noel Rosal ngani masolusyunan an problema kan pabalik-balik na pagbalgar kan mga ini.
Pighayag man kan opisyal na bago pa man siya nagtukaw sa posisyon, nag-ooperar na an nasabing farm asin sanitary landfill.
Haloy na man suboot nindang propwesto na maglaag nin fly trap sa area alagad dai man tulos suboot mawawara kaini an problema.
Sa presente, pig-eennganyae na ninda na magkaigwa nin conference kun sain iimbitaran an MENRO asin an mga representantes kan poultry farm asin kan sanitary landfill ngani magkaigwa nin dialogo.
