LEGAZPI CITY—Niyugo nin magnitude 4.2 magnitude na linog an San Pascual, Masbate, ngunyan na aldaw, Biyernes, Abril 25, 2025.
Segun ki Philippine Institute of of Volcanology and Seismology Masbate Leni Torrevillas, an eksaktong lokasyon kan linog an 27 km South, 11° West kan San Pascual, asin may rarom na 10 kilometers.
Nairehistro an Intensity III sa San Pascual, asin Intensity II sa Claveria, Masbate.
Wara man dapat suboot na ikahadit huli ta normal an nasabing linog, aktibo an fault system asin kaiba an lugar sa Philippine Fault Zone (PFZ).
Dugang kan opisyal na wara man na nadanyaran sa linog asin wara man na piglalaoman na aftershocks.
Mientrastanto, nagpagiromdom man si Torrevillas sa publiko na magin alerto, aramon pirme kun saen an saindang lokasyon, asin dapat aram an gigibohon en kaso may linog.
