LEGAZPI CITY—Ikinundusir kan San Andres Municipal Police Station an interfaith rally, peace covenant signing, asin candidates forum para sa National and Local Elections 2025 sa Brgy. San Roque sa banwaan kan San Andres, Catanduanes.
Segun ki San Andres MPS COP PMAJ Francis Tabo I, sa intrevista kan Bombo Radyo Legazpi, ini may katuyuhan ngani na masierto an matoninong, toltol, asin patas na eleksyon para sa nagdadangadang na midterm elections orog na sa nasambitang banwaan.
Ini inatendiran kan manlaen-laeng personahes gikan sa manlaen-laeng ahensya kan gobierno siring man sa mga non-government units.
Sinabi kaini na sa paagi kan aktibidad, ipigpahiling kan mga namamanwaan an saindang pakikisumaro sa mga programa na magkakaigwa an banwaan kan San Andres nin matoninong, malinig asin tunay na eleksyon siring man an warang mangyayaring kadahasan asin mabalgar sa aldaw kan eleksyon.
