NAGA CITY- Saludo soboot an Simbahang Katoliko sa tibay na pigpapahiling ni Vice President Leni Robredo sa ibong kan mga problemang kinakahampang kaini sa ngunian.
Sa entrevista kan Bombo Radyo Naga ki Most Rev. Rolando Tria Tirona, OCD, D.D., archbishop kan Archdiocese of Caceres, sinaysay kaini na nanghihinayang soboot siya sa biglaang pagbutas ni Vice President Robredo komo chairperson kan Housing and Urban Development Coordinating Council (HUDCC) huli ta dakol soboot an naglalaom sa tabang kaini.
Sigon sa Arsobispo, igwa nin abilidad si Robredo na mamayo sa nasyon kunsaen sa halipot na panahon na nagtukaw soboot ini komo pamayo kan HUDCC, igwa tulos nin naginibong mga proyekto asin programa para sa mga nagtitios.
Sa ibong kaini, nagtutubod man giraray an arsobispo na magigin matrayumpo an Bicolanang Bise Presidente dawa mayo na ining pigkakaputang cabinet post sa irarom kan Duterte Administration.
Makalihis soboot an pagbubutas kan bise presidente, bako boot sabihon na nagtapos naman an pagigin matibay na lider kaini sa nasyon.
