LEGAZPI CITY—Nangapudan an Punong Barangay kan Barangay Buenavista, Bato, Catanduanes na dae na mautro liwat an nangyaring suboot panghuhudong sa saindang salog na ikinagadan nin mga sira, huli sa dakula kaini an tabang para sa saindang komunidad.
Segun ki Kapitan Amador Tolledo, sa intrevista kan kan Bombo Radyo Legazpi, nagresulta an pagkahudong kan salog sa pagkagadan kan pirang mga sira, kasili, tilapia, hipon asin iba pa.
Sa presentee, dae pa ninda nadakop an suboot nanghudong sa salog asin ipigpasakamot na sana ini sa mga otoridad.
Pighiling man kaini na posibleng tinuyo an insidente huli sa mahewas an salog alagad nakaabot pa sa saindang lugar na tulong kilometro an rayo hale digdi asin nagresulta pa sa pagkagadan kan mga sira sa nasabing katubigan.
Mientrastanto, padagos man an imbestigasyon kan Department of Environment and Natural Resources, Bureau of Fisheries and Aquatic Resources asin kapulisan sa nasabing salog nganing maaraman an nasa likod kan insidente.
