May suspek na ang mga otoridad kan Russia sa nambadil ki Lt Gen Vladimir Alexeyev.
Kaiba na digdi an suspek na Ukrainian-born Russian citizen na si Lyubomir Korba.
Susog sa Russia’s Investigations Committee (SK) nag-abot si Korba kan Disyembre huli sa may misyon ini hale sa Ukrainian intelligence service nganing maggibo nin terrorist attack.
Magigiromdomang pinagbabadil an harong ni Alexeyev kung saen nagsapo ini nin lugad sa manlaen-laeng parte kan lawas.
Dinara na sa ospital an 64-anyos na si Alexeyev makalihis an insidente.
Si Alexeyev an panduwa sa halangkaw na opisyal kan Russian military intelligence na GRU.
