LEGAZPI CITY-Ihinayag kan Presidente kan Ukraine na si Volodymyr Zelensky na pinahiwas kan Russia an mga pag’atake kaini.
Susog ki Zelensky, pigtarget kan Russia an saindang mga data center asin mga internet providers.
An mga pag’atake na ini makakaapektar sa buhay kan mga namamanwaan kan Ukraine, partikularmente ta an mga serbisyong ini importante para sa saindang edukasyon asin trabaho.
Ginibo ni Zelensky an pahayag na ini pagkatapos na an sarong drone kan Russia, tuminama sa sarong sentro nin negosyo sa Kyiv—na nakagadan nin apat katawo asin nakadanyar sa sarong data center.
Kinumpirmar kan Russia an welga, na nagsasabi na ginagamit kan Ukraine an lugar para sa military intelligence.
Huli kaini, si Zelensky nag-apod sa mga kaalyado na nacion asin naghagad nin tabang na panimbagon an Russia.
