LEGAZPI CITY- Personal ng nagpapasiring sa mga upland barangays an Albay provincial veterinary office ngani na maghatod nin serbisyo sa mga ataman na hayop.
Segun ki Albay provincial veterinarian Dr. Pancho Mella na nagre-request sainda an mga lokal na gobierno ngani na mahiling an salud kan mga ruminant animals.
Kaibanan sa mga serbisyong pigo-ofresir an pagtatao nin bitamina, mineral supplementation, deworming asin Intrauterine insemination ngani na maparahay pa an lahi kan mga ataman na hayop.
Aminado kaya an opisyal na dakula an kakulangan sa mga beterinaryo kaya dae na natututukan an mga ruminants.
Difisil man para sa mga tagsadiri na darahon sa pribadong beterinaryo an saindang mga ataman kun igwang kamatean an mga ini.
