LEGAZPI CITY-Naisalbar an sarong Rufous Eagle makalihis makalihis na pigprobaran na badilon ini kan airgun kan dai pa nabibistong tawo.
Segun kay Dr. Emmanuel Estipona , sarong veterinarian sa City Veterinary Office, sa intrevista kan Bombo Radyo Legazpi, na-iturn over na an nasambitang wild life animal sa mga otoridad asin kakusugan kaini.
Nakuwa an nasambitang agila sa Buyuan sa ciuda dkan Legazpi.
Nasa iraraom na sa imbestigasyon kung isay an imbuelto sa nasambitang pagprobar na pagbadil sa agila.
Sinabi ni Dr. Estipona na maswerte an agila huli sa bako grabe an tama kaini sa mismong pandok asin pakpak.
Nagbabayolar sa Ley an pagbabadil kan mga siring kaini na wildlife animals.
Magkakaigwa man nin orientation sa mga barangay mapadapit sa pagprotekta kan mga wildlife asin extinct na animals.
Nakikipagkoordinar na man suboot sinda sa Departrment of Environment and Natural Resources asin sa Albay Park and Wildlife para sa masierto an seguridad kan mga ini sa ciudad.
Mensahe ni Dr. Estipona sa mga nakakahiling kaini sa panahon ngunian, na dapat bawasan na an paggadan kaini huli sa importante ini sa biodiversity, irespeto man ini alagad dai na pagpakiaraman, enkaso man suboot pwedisir na magapod sa mga otoridad ngani tulos na maiturn over ini sa mga kinauukulan.
