LEGAZPI CITY – Padagos an piggigibong imbestigasyon kan mga otoridad sa nangyaring panhahabas sa sarong RTW store sa banwaan kan Donsol sa Sorsogon.
Sa report kan pulisya, nilaog kan dae pa nabibistong suspetsado an tindahan ni Nilo Bautista kan Brgy. Marketsite kan nasabing lugar.
Sa inisyal na imbestigasyon, tinulak kan suspek an sliding door kan tindahan asin kinua an mga manlaen-laen na RTW merchandise na nagkakantidad nin pco mas o menos P20,000.
Nadiskubreng nawara an nasabing mga aytemahe kinaagaahan na makalihis an insidente.
Pig-aaram na kan mga otoridad an mga indibidwan na responsable sa panghahabas.
