LEGAZPI CITY- Nanindogan si dating Liberal Party Presidential candidate Mar Roxas na bako pa tapos an laban sa isyu kan West Philippine Sea asin kaipuhan pang tawanan nin hustisya an mga parasirang apektado an ikinabubuhay huli sa mga nakabantay na Chinese coast guard sa lugar.
Sa intrevista kan Bombo Radyo Legazpi ki Roxas, dae pwedeng isuko na sana kan Pilipinas an direchos sa lugar na aram na pagsadiri kan nacion.
Dugang pa kan opisyal na dawa dakulang nacion an China asin dakol an armas na pan-giyera, dae man pwedeng halunon na sana kan Pilipinas an paninindogan sa WPS urog naman kun igwang ginibong sala an ibong na lado.
Nagtutubod man si Roxas na magigibuhan pa ini nin paagi kun idudulok sa korte asin sa tamang proseso na nagtitindog bilang institusyon sa paggawad nin hustisya laban sa mga abusado.
Ikinahahadit man kan dating opisyal na mag-abot an peryodo na wara nang matada para sa mga Pilipino kun magpadagos pa an sistema sa presente.
Mientras tanto, nagkambyo man an opisyal na kaipuhan na makipaglaban bako sa paagi kan dahas o magbusol nin giyera kontra sa China asin klinaripikar na sa tama man giraray mag-uyon.
