LEGAZPI CITY-Nagtutubod si dating Presidential Spokesperson Atty. Harry Roque na mali asin bako makatarungan an desisyon kan International Criminal Court (ICC) na ibasura an kamawotan para sa temporamentang paglaya o interim release ni dating Presidente Rodrigo Roa Duterte.
Sa sarong video message, ipinaliwanag ni Roque an nagkapirang rason kan korte sa pagtanggi sa apela kan kampo kan dating presidente.
Ibig sabihon, segun kay Roque, nagtutubod an hukuman na may kinaaraman si Duterte sa mga akusasyong Crime Against Humanity.
Pinaka-kontrobersyal suboot sa mga batayan kan ICC an posibilidad na nagtakas si FPRRD enkaso payagan ining makalaya nin pansamantala.
Nagtutubod man suboot si Roque na nasala an hukuman sa siring na paghusga.
Paliwanag pa kan dating tagapagtaram ni Duterte na normal sana an nagin reaksyon kan pamilya sa insidente sa Villamor, orog na warang naipahiling na warrant of arrest sa sainda.
Sinabi ni Roque, an nangyari kay Duterte an maikokonsiderang kidnapping asin pagbayolar sa ley kan mga tauhan kan gobierno.
Mientrastanto, sa panayam kan Bombo Radyo kay ICC-accredited lawyer Atty. Gilbert Andres, sinabi niyang pigpapangadyi ninda na maipadagos an confirmation of charges laban kay Duterte.
Ini an kasunod kan pagtanggi kan ICC sa apela kan kampo ni Duterte na makalaya pansamantala bilang konsiderasyong makatawo.
