Dae pa nagsusumiter si dating presidential spokesperson Harry Roque kan saiyang counter-affidavit sa qualified trafficking complaint na ipigsunad kontra saiya kan Department of Justice.
Ini makalihis na dae mag-atendir sa preliminary investigation kan Nobyembre 18.
Sinabi ni prosecutor Eugene Yusi na naabisuhan na si Atty. Roque dapit sa reklamo kontra saiya.
Alagad sinabi man ni Atty. Roque na dae niya naresibe an kopya kan reklamo asin warang summon hali sa DOJ.
Nag-ugat an nasabing reklamo makalihis magsunad an mga otoridad kan Oktubre nin supplemental complaint affidavit kontra sa dating presidential spokesman kun sain isinabay siya sa inisyal na trafficking complaint kontra ki Cassandra Li Ong, an authorized representative kan POGO hub na Lucky South 99 sa Porac, Pampanga.
Mahigot man na pinahimutikan ni Roque an nasabing akusasyon kontra saiya.
