LEGAZPI CITY — Inilunsar ni Vice President Leni Robredo an “Istorya ng Pagasa” (Stories of Hope), sarong proyekto sa irarom kan “Angat Buhay” anti-poverty program sa ciudad kan Legazpi.
Sa intrevista kan Bombo Radyo Legazpi ki Robredo, sarong paagi kan pakikipag-olay sa publiko sa pinakamadaling proseso alagad makabuluhan an Stories of Hope.
Obheto kan proyekto na makaguno nin mga istorya nin paglaom asin trayumpo kan mga ordinaryong Pilipino tangarig na maging inspirasyon sa iba.
Segun ki Robredo, target man kaini an pagbabad sa kapalibutan nin mga positibong istorya imbes na mga negatibo na paagi tangarig na mabago an kultura kan negativity asin kariribukang nangyayari sa nacion asin sa kinaban.
Durante kan launching, tinawang-konsentrasyon man ni Robredo an mga istorya kan Albayanos na naghihinguwa sa ibong kan kadifisilan na kinalaunan nagiging matrayumpo sa napiling karera.
Inomaw pa kan bise an kusog kan Legazpi asin Albay sa disaster resilience na naigibong makatindog liwat sa ibong kan mga nag-aging makukusog na kalamidad.
Dugang pa ni Robredo na warang imposible kun nagkakasararo asin warang rason na magsuruwayan.
