LEGAZPI CITY-Piglalaoman na na magpapadara an Pentagon dugang na rinibong soldados hale sa elite 82nd Airborne Division pasiring sa Middle East, susog sa mga report, mantang padagos an gera sa pagultanan kan US, Israel, asin Iran.
Susog sa mga source, nasa 3,000 hasta 4,000 na mga soldados an posibleng i-deploy ngani mapakusog an presensya kan Amerika sa rehiyon, maski pa padagos na pigsasabi ni U.S. President Donald Trump na bukas siyang makipag-negosasyon sa Iran para sa tigil putukan.
Bako pa malinaw kun saen eksaktong ipapadara an mga tropa kan Estados Unidos alagd susog sa report na obheto kaini na pahiwason an kakayanan kan nacion para sa posibleng operasyon.
Sa presente, pigkakarkulong nasa 50,000 na an mg atropang gikan sa Amerika na nasa Middle East.
Enot nang nagpadara an Estados Unidos nin dagdag na mga pwersa, kabali an mga Marines asin mga barkong panggera arog kan USS Boxer.
Sa ibong kaini, nagpapadagos an mga opensiba kan Estados Unidos na suboot nakatama sa rinibong mga target sa laog kan Iran.
Susog sa pinakahuring datos kaini, nasa 13 American soldiers an nagadan asin haros 300 an nairido.
Siring man nagtetenir na angat para sa administrasyon ni Trump an hababang suporta kan publiko sa kampanya laban sa Iran, susog sa sarong survey kun saen mas kadakol an tutol kaysa sa mga nagsusuporta.
