Naghagad na nin tabang an mga awtoridad sa Ceuta sa gobierno kan Spain makalihis an pagruso nin rinibong migrants sa Spanish territory na nasa norteng parte kan Africa.
Nabatid na hinagad sa Madrid na magdeklara na nin national emergency asin magpadara nin mga suldados nganing mapakusog an seguridad sa border.
Ginatos na migrants sa Tarajal Beach na kadaklan an mga Moroccan, an nagbalyo sa breakwater asin nagdadalagan sa dalampasigan magin sa mga tinampo nganing makalaog sa teritoryo ng Spain.
Kadaklan sa mga mawot na magpasiring sa Spain an mga joven na lalaki, kababaihan, asin mga joven na kaiba an saindang mga pamilya.
Segun ki Ceuta regional government head Juan Jesús Vivas, kinakaipuhan an dugang na pwersa kan pulisya asin militar nganing mamantinir an seguridad kan nacion.
Naenot na man inihayag ni Vivas na siksikan na an migrants reception center sa Ceuta, kung saen ginatos na mga migrante na ang napiritang magturog sa mga tinampo.
Liwat na naglala an tensyon sa border ng Spain asin Morocco, kasunod kan pagdakol kan mga migranteng nagporbar na makalaog sa Ceuta, kabale an mga naglalangoy nganing makalaog sana sa Spain.
Magigiromdoman kan 2021, labi sa 8,000 migrants ang nakalaog sa Ceuta sa laog sana kan duwang aldaw sa saro sa pinakadarakualng border crises sa pagitan kan Spain at Morocco.
