Rinibong mga indibidwal an nagpartisipar sa mga anti-immigration rally sa manlaen-laeng parte kan Australia kun saen pigkondena kan gobyerno siring kan Labor agencies sa pangengenot ni Prime Minister Anthony Albanese.
Susog sa gobyerno, an rally an nagpapalaganap sana nin dagit asin katakod kan mga grupong neo-Nazi.
Sa isinagibong mga kilos-protesta kan grupong ”March for Australia” sa Sydney, Melbourne, asin iba pang ciudad, bitbit an pangapudang ipundo an ”mass immigration” na suboot nagpapalala sa problema sa trabaho, pabahay, trapiko, serbisyong medikal, asin seguridad.
Segun ki Murray Watt, sarong senior minister, bako suboot ini mapadapit sa pagkasararo alagad sa mapadapit sa pagkakawatak-watak kan komunidad. Sinabi pa kaini an mga demonstrator kan rally an may kinaaraman sa mga neo-Nazi.
Sa Sydney, pigkarkulong 5,000 sagkod 8,000 katawo an nag-atendir sa rally. Kasabay kaini an sarong counter-protest gikan sa Refugee Action Coalition, na inantendiran kan ginatos na mga indibidwal.
Mantang sa Melbourne, naggamit suboot nin pepper spray an mga riot police nganing kontrolon an mga nagpo-protesta.
