LEGAZPI CITY – Malalampasan pa kan produksyon kan paroy asin bagas ngonian na taon an naging nairehistrong datos kaini kan nakaaging taon base sa forecast kan Philippine Statistics Authority.
Sa intrevista kan Bombo Radyo ki Emily Bordado, chief information officer kan Department of Agriculture Regional Office 5, posibleng mag-abot pa sa 3.71 million an harvest area o igwang dugang na .85 million hectares kumpara kan nakaaging taon.
Nairehistro kaya an 115.6% rice sufficiency kan 2016 na nangangahulugan sana suboot na na-meet an pangangaipo kan bilog na kabikolan.
Pighihiling na dakulang tabang para digdi an kawaran nin El mientras na dawa pa nag-uuran bako arog kan nai-eksperyensyahan sa Mindanao asin iba pang rehiyon kan Luzon.
Sa presente, tinawang-duon pa kaini na bastante an suplay kan bagas sa bilog na rehiyon kan Bicol kun saen ini man an pang-apat sa national standing kan mga Top Contributors sa rice sufficiency kan nacion.
Sa bulan pa sana kan Abril, nasa 146, 206 na an standing crop total sa bilog na rehiyon kaibanan na an mga nasa irrigated, rainshed asin upland areas.
