Naabot kan Pilipinas an all-time high rice import o pinakahalangkaw na bulto kan bagas na binakal sa ibang nacion, poon kan pinonan an pag-import.
Susog sa datos kan Bureau of Plant Industry (BPI), puminakol sa 4.68 million metric tons (MT) nin bagas an inangkat kan Pilipinas kan 2024, nin huli na man sa hibabang domestic supply.
Ini an haros 30% na mas halangkaw kumpara sa 3.61 million MT na inangkat kan nacion kan 2023.
Nagtetenir pa man an Vietnam bilang top supplier nin bagas sa Pilipinas.
Kabilugang 3.56 million MT nin bagas an inangkat kan Pinas sa naunambitang nacion.
Katampad ini nin haros 75% kan kabilugang rice import kan Pilipinas sa nasambitang taon.
An nalalabing 25% an pinig-bangaan na kan Myanmar, India, China, Japan, Cambodia, Taiwan, Italy, asin Spain.
Magigirumdumang naapektaran an lokal na produksiyon kan bagas sa Pilipinas nin huli sa magkakasunod na bagyong nangrapado sa nacion, kaiba na an pag-iral kan El Niño phenomenon.
