Tinanggap ni dating Supreme Court Senior Associate Justice Antonio Carpio an agyat ni Senator Rodante Marcoleta para sa sarong pampublikong debate dapit sa West Philippine Sea.
Ini an katakod kan argumento kun igwang legal na West Philippine Sea asin kun kaibanan digdi an mga maritime features kan Kalayaan Island Group.
Nagpuon an kontrobersiya makalihis ipahayag ni Marcoleta na pwedesir na ‘isuko’ kan Pilipinas an nagkapirang parte kan Kalayaan Island Group huli ta dae suboot sakop kan Exclusive Economic Zone kan nacion.
Maduon man ining kinontra ni Philippine Coast Guard spokesperson Commodore Jay Tarriela, na nag-imbita pa ki Marcoleta na sumabay sa sarong Maritime Domain Awareness flight ngani na personal na mahiling an sitwasyon.
Afuera ki Carpio, binanggit ni Marcoleta na mawot niyang makipagdebate ki Tarriela asin Prof. Jay Batongbacal kan UP Institute for Maritime Affairs and Law of the Sea.
Si Carpio an bistong tagapag depensa kan diretsos kan Pilipinas sa West Philippine Sea, urog na makalihis an 2016 arbitral ruling na nagpawarang bisa sa nine-dash line claim kan China.
