LEGAZPI CITY — Dinakop kan mga otoridad an duwang suspek kasabay na an sarong retiradong pulis huli sa pagpapabakal nin loose firearms sa isinagibong entrapment operations sa Barangay Poblacion sa banwaan kan Milagros, Masbate.
Segun ki Masbate PPO-PCR Branch Acting Chief Pol. C/Insp. Ariel Neri, nabisto an mga suspek na sinda Carlos Canindo Jr, 60-anyos, sarong retiradong pulis asin si Alex Marcos, 50-anyos na parehong taga-Masbate City.
Narekober kan mga operatiba kan Regional Special Operation Task Group (RSTOG), Criminal Investigation and Detection Team (CIDT) asin Masbate Provincial Intelligence Branch an sarong 9mm hale ki Canindo mantang duwang caliber 45 pistol man hale ki Marcos.
Nakua ma sa mga suspek an pirang mga magazines asin mga bala.
Segun ki Neri, mahahampang sa kasong pagbalgar sa Republic Act 10591 o Comprehensive Law on Firearms and Ammunition an duwang suspek.
Apwera kaini, posible mang kahampangon kan mga ini an kasong pagbalgar sa Omnibus Election Code huli gun ban katakod kan barangay asin SK Elections.
