LEGAZPI CITY-Pignegaran kan dating Police Lieutenant General Jonnel Estomo na imbuelto siya sa kaso kan mga nawawarang sabungero.
Makalihis ini kan idawit siya kan whistleblower na si Julie Patidongan o alyas “Totoy” na ini an nasa likod kan pagkakawara kan mga biktimang sabungero.
Sinabi ni Estomo na handa siyang hampangon an anumang imbestigasyon asin mapresenta nin mga ebidensya ngani malinig an siayng pangaran.
Pighahanda na man kan mga abogado ni Estomo an kaso na isasangat laban kay Patidongan.
Magigirumdumang ibinuyagyag ni Patidongan na pigenganyar kan dating heneral an negosyanteng si Charlie “Atong” Ang na gadanon siya huli sa iriwal manungod sa kwarta.
