Ipigbubusol ni Manila 3rd District Rep. Joel Chua na gibohong National Artist si Rodolfo “Dolphy” Quizon Sr., an tinaguriang Hari kan Komedya.
Nag-file si Chua House Resolution No. 41 kan Hulyo 9, sarong aldaw bago an 13th death anniversary ni Dolphy.
Sa resolusyon, pighagad ni Chua na i-nominate kan House of Representatives si Dolphy sa masunod na call for nominations.
Segun ki Chua, ginawaran na kaito si Dolphy nin Grand Collar of the Order of the Golden Heart ni dating Presidente Noynoy Aquino bako sana huli nakapagtao nin kaogmahan sa mga Pilipino kundi huli na man sa saiyang pagtabang asin kamarayang boot.
Segun saiya, dakula an ambag kan Comedy King sa showbiz industry sa nacion.
Namaaram si Dolphy kan Hulyo 10, 2012 sa edad na 83 asin bilang pagbisto sa nagin kontribusyon niya sa Philippine entertainment, idineklara ni dating Presidente Aquino an National Day of Remembrance.
