LEGAZPI CITY-Trauma an hatod kan nangyaring shooting incident sa San Jose High School sa Tacloban City, para sa mga residentes asin estudyante.
Kinumpirma man kan sarong Local Correspondent na nagkapira sa mga estudyante an dai pa sa ngonian makaturog huli sa pangyayari.
Segun kay Tacloban City Local Correspondent Kagawad Caloy Mabansag, sa eksklusibong intrevista kan Bombo Radyo Legazpi na rumespunde siya makalihis ma-contact kan mga estudyante sa laog kan eskwelahan sa paagi kan chat.
Sinabi kaini na nangaipohan nin pulisya asin ambulansya sa eskwelahan huli ta igwang estudyante an nagpapa-putok nin badil.
Pag-istorya ni Mabansag na tulos siyang nakipag-koordinar sa 911 para sa pag-respunde asin pagpasiring niya sa eswkwelahan ngani hilingon an sitwasyon, tumambad saiya an crowded na tawo, mga nagpa-panic na estudyante, asin gabat kan trapiko.
Idinara man sa ambulansya an natamaan sa bitis na joven asin liwat na nag-apod an nasabing opisyal sa 911 huli sa kadakol na emerhensya.
Dugang pa niya na traumatic man ini para saiya sa ngonian, asin napag-araman na kairiba sa nagadan an aki kan saindang barangay tanod.
Sa pagkaka-aram kan opisyal, na enot pa sana ining nangyari sa nasabing eskwelahan.
Sa presente, trauma asin takot an mga magurang asin estudyante, siring man na wara munang klase sa Tacloban hasta sa ngonian.
Nakakalat man an mga S.W.A.T. asin pulisya sa pinangyarihan kan insidente sa nasabing lugar.
