LEGAZPI CITY—Nagpagiromdom an mga opisyales kan Barangay Peñafrancia, Daraga Albay, sa mga residentes na magin alerto asin responsable sa saindang kapalibotan makalihis an mga nairehistrong panghahabon sa lugar.
Kabale na digdi an panghahabon sa battery nin truck kan sarong residente sa nasambitang barangay.
Segun ki Virgilio Mata, Barangay Kagawad kan Peñafrancia Daraga Albay, sa intrevista kan Bombo Radyo Legazpi, na dapat i-asigurar kan saindang mga residentes en kaso may mga gamit sindang takaw-atensyon para sa mga parahabon.
Dakol na man soboot sindang ipigbugtak na mga CCTV cameras sa barangay huli sa nakakatabang ini sa pag-aram kan sitwasyon o ano man na insidente sa saindang lugar.
Mensahe man kan opisyal na en kaso may ma-obserbaran na kaduda-dudang mga hiro an dapat na ipaabot ini sa kisay man na opisyal kan saindang barangay nganing tolos man ninda ining maaksyonan.
