LEGAZPI CITY—Ikinahadit kan mga residente kan Barangay Mi-isi, Daraga, Albay na sakop kan 6-Kilometer Permanent Danger Zone an posibilidad na mawaran sinda nin hanapbuhay kasunod kan pagtaas sa Alert Level 2 kan Bulkang Mayon.
Segun ki Kagawad Jordan Lorica kan Barangay Mi-isi, Daraga, sa intrevista kan Bombo Radyo Legazpi, na en kaso na pagbawalan o limitaran na an mga aktibidades kan mga nag-ooma o nag-aataman nin hayop an siertong apektado an saindang kabuhayan.
Pigpapagiromdom man kan opisyal an mga residentes kan barangay na sunudon an mga abiso kan lokal na gobierno o barangay para man sa saindang kaligtasan.
Tinawan-doon kaini na siertohong magin preparado an gabos en kaso na magpaotob nin pagpa-ebakwar huli sa presenteng aktibidades kan nasabing bulkan.
