LEGAZPI CITY – Nagin puga-puga an ginibong evacuation sa mga residentes asin stranded passengers an Pioduran Municipal Disaster Risk Reduction and Management Office bilang preparasyon sa posibleng epekto ni Bagyong Tino sa saindang banwaan.
Segun ki Pioduran MDRRMO Head Noel Ordoña sa intrevista kan Bombo Radyo Legazpi na pighingoa ninda an mga residentes naka-istar sa Sitio Lagaan kan Barangay Banawan huli ta napapalibutan ini kan tubig na hale sa dagat asin salog.
Dae pa sinda pwedesir suboot mag-decamp huli ta nakalaog pa sa Tropical Cyclone Wind Signal an provincia kan Albay asin makusog pa an bulos kan Panganiran River base man sa isinagibo nindang inspeksyon.
Sa presente an uminabot na sa 138 na pamilya an saindang na-ebakwar hale sa nasabing sitio na katampad kan 284 katawo mantang an iba man an piniling magtenir sa saindang ka-parientes asin may mga piniling magpawalat sa saindang harong nganing magbantay.
Pigtaram pa kan opisyal na base sa huring datos an uminabot na sa 692 an kabilugang stranded passengers na mapasiring kuta sa Masbate asin Claveria alagad sa nasabing numero, 90 katawo sana an saindang na-ebakwar huli ta pinili kan iba na magtenir sa saindang behikulo.
Sa kagayunan suboot an wara sindang nairehistrong pagbabaha, pagrasay nin daga asin iba pang dae piglalaomang insidente sa nakalihis na magdamlag afuera sana sa pigbabantayan nindang Panganiran River alagad nagtetenir na suspendido an paglalawod sa kadagatan, klase, asin iba pang aktibidad.
Nagin angat man ninda sa pigsagibong evacuation efforts an paglilipat asin pagbalyo kan mga bagong mundag na mga omboy asin mga senior citezen mantang nauugma man sinda na gabos nagsunod sa saindang mga lakdang bilang preparasyon sa nasabing raot nin panahon.
Pagdoon pa ni Ordoña na nakikipagkoordinar na man sinda sa MDRRMO’s kan banwaan kan Claveria sa provincia kan Masbate nganing dakupon an mga parasisira na nagporbar na maglawod sa ibong kan ipinaluwas na no-sailing policy.
