LEGAZPI CITY-Nagpahayag nin pagkadismaya an nagkapirang mga residente kan Purok 2 Puting Daga, Barangay Cabagñan West, huli sa pagguho kan bagong konstruhir na dike sa saindang lugar.
Segun kay alyas “Dhay” sarong residente kan Purok 2 Puting Daga Brgy. Cabagñan West, sa inrevista kan Bombo Radyo Legazpi, na poon pa kan siya elementary an bako pa siring kan presenteng panahon an pagbaha sa saindang lugar alagad kan magguho an dike an nagkawsa ini nin pagbabaha na abot sa liog asin lagpas pa tuyong naguuran nin makukusog.
Segun pa sa saiya na haloy nang buminagsak an dike kan nakaaging taon asin ngonian na bulan sana pinoonan.
Dagdag pa niya na kan magguho ini, an wara man nin mga bakal na nakalaag.
Dugang pa kan residente na biglaan suboot na nagragasa an tubig baha kan magguho an dike na saiyang ikinadismaya huli sa dai man suboot ini nangyari kun makusog sana an pakagibo.
Sinabi niya man na manlain-lain suboot an contractor kan nasabing dike.
Laoman man kan residente na kun dakulang pondo sana suboot an ibinugtak an dai basta marurumpag ini kan makukusog na pagbaha.
Sinabi niya man na kaipuhan an dakulang pondo na hale mismo sa tax kan mga tawo para sa kontruksiyon kaini huli sa delikado ini para sa mga nakatenir sa lugar.
Piglalaoman man kan residente na gamiton nin maayos an mga nakatalagang pondo ngani magin maayos man an resulta kaini.
Padagos man na pigkukuwa an reaksiyon kan sanggunian kan nasabing barangay huli sa presente an bako pa ini abilable.
