Ginatos na mga indibidwal pa an padagos na pinaghahanap kan mga otoridad makalihis an nangyaring flash flood sa Nepal.
Warang patod an ipigkokundusir na rescue operations kan mga otoridad sa mga nawawarang biktima makalihis an pagrasay nin mga bato, debris, asin putik hali sa nag-collapse na salog sa Himalayan border kan Nepal asin Tibet.
Basado sa inisyal na mga datos na nasa 340 na mga dayuhan an kaibanan sa 400 na mga turista na nawawara makalihis an kalamidad.
An nasabing flash flood kaya an naka apektar sa nagkapirang sikat na mga kabubuldan na pigdadayo kan mga trekkers asin pilgrims.
Marurumduman na maabot na sa 160 an naideklarar na casualties na pinaglalaoman na madugangan pa sa mga masunod na oras.
Mientras tanto, dakol na mga harong, tinampo asin iba pang establishimento an naapektaran sa insidente.
