LEGAZPI CITY- Nakadaong na sa pantalan kan Tabaco City an Republic of Korea Ship LST-688 para sa Pacific Partnership 2024.
Lunad kaini an mga personahe kan Korean Navy kun sain presente man an Pacific Partnership Mission Commander.
Personal man ining sinabat kan mga tauhan kan Philippine Navy, Philippine Coast Guard, Philippine National Police asin mga lokal na opisyal kan Albay.
Marurumduman na afuera sa Republic of Korea Ship LST-688, presenteng nasa Albay man an USNS City of Bismarck Ship.
Obheto kan Pacific Partnership na magkondusir nin mga humanitarian missions.
