LEGAZPI CITY- Inengganyar kan Police Regional Police 5 (PRO5) an mga kahimanwa na suportaran asin tawanan nin importansya an adbokasiya kan bilog na organisasyon sa pagprotehir asin pagrespeto sa direchos humanos kan mga kababaihan asin kaakian.
Ini an katakod man kan ipigkakampanya kan representante kan rehiyong Bicol sa Gandang Pulis 2018 kan Philippine National Police na si PO1 Gersa Napoles na haleng Camarines Norte Police Provincial Office.
Sa intrevista kan Bombo Radyo Legazpi ki PRO5 spokesperson PS/Insp. Maria Luisa Calubaquib, nag-apelar ini kan tabang para ki PO1 Napoles tangarig na maiuli an korona sa nasabing pageant siring man an ipigbubusol na pagtataong-istaran sa mga inabandonang kaakian.
Katakod man kaini an proteksyon para sa mga kababaihan asin agom na pigkukulugan sa laog kan harong.
Afuera sa People’s Choice Award para sa pinakadakol na likes and shares na makukua kan kandidata, dakol pang ibang darakulang special awards an posibleng maresibe kan mga ini sa Abril 23 na magsisirbe man na Grand Coronation Night.
