LEGAZPI CITY- Kinalampag ngonian ni ACTS OFW Partylist Representative John Bertiz an dalagan kan aksyon kan gobierno katakod kan repatriated overseas Filipino workers (OFW) hale sa nasyon kan Kuwait.
Sa intrevista kan Bombo Radyo Legazpi sa nasabing lehislador, sa nagdadakol na numero suboot kan mga nag-aavail kan amnesty program, kasabay kaini an pagsakat man kan numero kan mga nakatenggang OFWs sa Philippine Embassy na naghahalat pa man giraray nin trabaho hasta sa presente.
Segun pa ki Bertiz, dificil man giraray para sa ibang strandees o dae nakabiyaheng OFW kan ipaotob an employment ban huli ta nasa 80% suboot sa mga ini an nag-apply bilang domestic helpers na pighihiling na ‘kadaklan an nagshort’ sa pighahagad na qualifications kan mga alternatibong nasyon siring kan China asin Japan.
Katakod kaini, apelar ni Bertiz na matapos na muna an bilateral agreement para sa proteksyon kan mga Pilipino sa Kuwait antes na i-lift an ban.
Sa ibong na lado, inomaw man kaini an mga lakdang ni Labor Secretary Silvestre Bello III na obhetong maprotehiran an direchos kan mga OFWs.
