Nasa Estados Unidos na suboot si dating House Appropriations Chairman asin AKO Bicol Partylist Rep. Zaldy Co para sa saiyang medical treatment.
Nilinaw man ni House spokesperson Atty. Princess Abante, na may mga ‘appropriate travel documents’ an paghali ni Co asin tinawan ini nin clearance kan Kamara nganing magpabulong sa Estados Unidos sa saiyang kamatean na dae man sinabi kan opisyal.
Si Co an pigpapaliwanag ni Navotas City Rep. Toby Tiangco sa suboot insertion nin P13.8 billion sa infrastructure projects kan Department of Public Works and Highways (DPWH) sa irarom kan P6.352 trilyong 2025 national budget kan gobierno.
Mantang an pamangkin kaini na si Brgy. Health Workers (BHW) Partylist Rep. Natasha Co an nag-request man suboot nin P2 bilyong pondo para sa imprastraktura.
Segun ki Tiangco, bago pa man an deliberasyon kan P6.793 trilyong 2026 national budget an gari dae na suboot niya nahihiling an presensya ni Co sa Kamara sa plenary session, mga hearing magin sa mga okasyon.
Si Co an nanahimik sa isyu sa ibong kan mga kahapotan kan saiyang kapwa lehislador sa insertions kan bilyong pondo sa 2025 National Expenditures Program (NEP).
Mawot man ni Caloocan City 2nd District Rep. Edgar Erice na ipaapod si Co asin magin si dating Senate Finance Committee Chairman Grace Poe nganing magpaliwanag sa insertion kan alokasyon sa pambansang pondo.
Sa hearing kan Infra Committee an tinuga ni dating DPWH secretary Manuel Bonoan na nadugangan nin P100.8 bilyon an saindang infrastructure projects ngunyan na 2025.
