LEGAZPI CITY—Preparado na an saro sa mga House impeachment prosecutors na si Bicol Saro Representative Terry Ridon para sa pagpupuon kan impeachment trial ni Vice President Sara Duterte saagang Lunes, Hulyo 6.
Segun ki Representative Terry Ridon, sa intrevista kan Bombo Radyo Legazpi, preparado na an prosecution panel na magpahiling sa Senado asin maglatag nin ebidensya sa nasabing paglilitis.
Pig-aantisiparan ninda an pag-atendir ni VP Sara huli sa igwa ining order gikan sa Senate impeachment court na dapat magpahiling sa nasabing aldaw.
Sa ibong na pwedesir ipaatendir sana an saiyang abogado, ipigdoon ni Ridon na importante man giraray na magpahiling an bise presidente bilang pagrespeto sa orden asin bilang paghampang sa magagabat na paratang kan prosekusyon laban saiya.
Mientrastanto, tinawan-doon man kan opisyal na importante na masubaybayan kan namamanwaang Pilipino an pagliliitis huli sa lakdang ini kan pagpapanimbag sa saro sa mga pinakahalangkaw na opisyal sa nacion.
