Pig-enganyar ni Albay Rep. Joey Salceda na ipabakal sana an mas baratong Kadiwa rice sa mga lugar na may halangkaw na presyo nin bagas nganing mas epektibong labanan an artificial inflation.
Segun kay Salceda, dapat magkaigwa nin bastanteng market share an Kadiwa sa mga apektadong lugar nganing mapugulan an mga nagsasamantala sa presyo asin maibalik an normal na kantidad kan bagas.
Sa presente, an Kadiwa rice an ipigpapabakal sa kantidad na P29 hasta P38 kada kilo, mantang nag-aabot man sa P60 hasta P65 kada kilo ang pinakamahal na bagas sa merkado.
Ipigpataw kan gobierno an maximum suggested retail price na P58 kada kilo para sa imported na bigas, alagad pig-giit ni Salceda na dapat ining mas harani sa P50 nganing mas magin abot-kaya sa mga konsyumer.
