Nagpatanid si Albay Rep. Joey Salceda sa pamunuan kan Maharlika Investment Fund na ibitarang mamuhunan sa National Grid Corp. of the Philippines (NGCP).
Makalihis ining madiskubre na may utang an NGCP na P200 bilyon sa mga konsyumer nin huli sa mga gastusong dae pigtugutan kan 2023.
Pigsugo kan Energy Regulatory Commission (ERC) an NGCP na ibalik an naunambitang kantidad sa mga konsyumer.
Segun kay Salceda, posibleng magin kasabwat an Maharlika Fund sa paninimbagan kan NGCP kun mamuhunan ini bago maisagibo an refund.
Dugang pa niya, nagbabayolar sa mga prinsipyo kan risk management an pondo.
Bilang dating propesyonal sa capital markets, pigtawan doon ni Salceda an peligro kan pagbawas sa equity value kan NGCP nin huli sa piglalaomang refund.
Pigpagirumduman niya an Maharlika Fund na posibleng maapektaran an posisyon kan gobyerno sa refund kun mamumuhunan sinda sa NGCP sa presenteng sitwasyon.
