Pinahimitukan ni Leyte Representative asin dating House Speaker Martin Romualdez na siya nagreresibe nin kwarta gikan sa ilegal na sugal.
Sa sarong statement sinabi ni Romualdez na nadadangog niya an mga akusasyon asin inapod niya ining kathang-isip sana magin an mga istorya mapadapit sa suboot maleta nin kwarta.
Sinabi ni Romualdez na an nasabing alegasyon an puro imbento asin warang ebidensyang pigpapahiling.
Mapadapit man sa isyu kan Okada/Delaware, nilinaw niyang wara siyang kinaaraman sa kaso, dae siya pig-iimbestigaran asin bako siya akusado.
Sinabi pa kan opisyal na nakakamondo na si VP Sara Duterte mismo, na na-impeach kan Kamara huli sa suboot salang paggamit kan pondo, an nagpapakalat nin salang impormasyon.
Pagdoon ni Romualdez na kun wara nang kredibiliad an pinaghalian kan akusasyon an nata pa ini pigtutubudan.
