Nagsunad si Leyte Representatibe Ferdinand Martin Romualdez nin House Bill No. 7663 na obhetong magtao nin P3,000 na bulanan na pensyon asin social protection package para sa mga kwalipikadong may edad na, may kapansanan asin mga nagtitios na paraoma na bako sakop kan SSS, GSIS, o pribadong retirement system.
Segun ki Romualdez na importante an pagkakaigwa nin pensyon ngani na matawan nin kasiertuhan sa kwarta na mga paraoma na komon na igwang hibaba asin bako siertong ganansya.
Makakatabang suboot an regular na pensyon ngani na mabawasan an saindang paglaom sa pamilya asin maibitaran an pagpapabakal nin mga ari-arian.
An propuestong “Comprehensive Farmers’ Pension and Social Protection Act,” an inakda man ni Tingog Party-list Rep. Jude Acidre.
Sa irarom kan propuesto, an mga kwalipikadong benepisyaryo an kumpwesto kan mga paraoma na nasa edad 60-anyos pataas na warang nareresibeng pensyon siring man an mga paraoma na igwang medikal na sertipikadong kapansanan.
Kaibanan pa digdi an mga paraomang indigent na pigbibisto kan saindang lokal na gobierno na susog sa Community-Based Monitoring System Act.
Ipigtalaanman sa propuesto an pagtatao nin P50,000 basic life insurance asin hasta sa P25,000 accident asin disability assistance kada claim.
