LEGAZPI CITY–Pigsasaysay ni Kabataan party-list Rep. Atty. Renee Co na nagin matrayumpo an presentasyon kan prosecution sa Article 4 o pag-akusar ki Vice President Sara Duterte nin grave threats kontra ki Presidente Ferdinand Marcos, First Lady Liza Araneta-Marcos asin datin Speaker Martin Romualdez.
Segun ki Rep. Renee Co, sa intrevista kan Bombo Radyo Legazpi, na na-establish kan prosecution na seryoso an pagbabanta kun sain may implikasyon ini sa kun pano pinanghahawakan kan public official an saiyang mga responsibilidad.
Kumpiyansa man ini na matibay man an mga ebidensya sa Article 1 na itutukar sa sunod na semana huli sa dakol na ebidensya nin anomalya, bako tamang paggastos nin pondo na mawot na mahiling kan publiko.
Tinawan-doon ni Co na kabale an namamanwaan sa proseso kan paglilitis huli sa an kamawotan iyo an mapanimambag an mga opisyales na imbuelto sa korapsyon o kadahasan.
Dugang kaini na sa masunod na impeachment trial an dae sana dapat nakaantabay alagad nakikisumaro sa kun pano pighuhubog an proseso na dapat nakauyon sa interes asin bako sa nagkapirang indibidwal sana.
