Pormal nang nanumpa bilang miyembro kan PDP-Laban si Cavite 4th District Rep. Francisco “Kiko” Barzaga kan Miyerkoles, Abril 29.
Sa iniluwas na mga ladawan ni Barzaga, nakasulot ini nin itom na bado na kaiba sa mga bagong miyembro mantang nanunumpa sa headquarters kan PDP-Laban sa Sta. Mesa Manila.
Si Barzaga an dating miyembro kan National Unity Party (NUP) na pinamamayuhan ni Antipolo City Rep. Ronaldo “Ronnie” Puno.
Siring man, pinatalsik si Barzaga sa National Unity Party huli sa pagporbar kaining magrecruit nganing patalsikin si dating House Speaker Martin Romualdez asin kalaunan an inireklamo ini kan mga kapartido sa House committee on ethic and privileges huli sa saiyang bako katanggap-tanggap na asal sa social media.
Huli digdi, sinuspinde si Barzaga kan December 2025 nin duwang bulan asin liwat na pinatawan nin panibagong 60 na araw na suspensyon kan Pebrero 2026 huli man liwat sa dae pa ini nagpundo sa pagpopost sa social media nin mga wara suboot basehan na alegasyon.
Sa ngunyan igwa pang nakapending na reklamo kay Barzaga sa Ethics committee na posibleng maging rason kan dagos na pagsibak saiya bilang miyembro kan 20th Congress huli sa nakaduwang suspensyon na ini.
