LEGAZPI CITY-Pinatawan liwat nin 60 aldaw na suspensyon si Cavite 4th District Representative Kiko Barzaga na warang sweldo asin allowances.
Sa isinagibong botohan nakakuha nin 238 na boto na naguuyon sa suspensyon asin 10 na man an nagkontra, mantang 9 an nag-abstain para sa pag-adopt kan findings asin rekomendasyon kan Committee on Ethics and Privileges.
Sa kampo ni Barzaga, sinabi kaini na sanay na sinda digdi, kundi gigibuhon na sana ninda an marhay para sa publiko.
Dapat suboot na nakatutok an Kongreso sa ibang mga bagay imbes na sa siring kaining orolay.
Wara man suboot na pigbabasol an kongresista sa saiyang mga post sa social media na nagresulta sa suspension kaini.
Marurumduman na enot nang sinuspendit nin 60 aldaw si Barzaga huli sa alegasyong nakakaresibe ini kwarta sa National Unity Party, sa negosyanteng si Enrique Razon kan Hulyo 2025 para sa suboot suporta kay Leyte Rep. Martin Romualdez.
Isinangat man an reklamong cyberlibel kay Barzaga ni Manila 2nd District Rep. Rolando Valeriano asin Antipolo 1st District Rep. Ronaldo Puno huli sa suboot bako tamang paguugali kan kongresista.
