Tinawan duon ni House prosecutor asin Akbayan Party-list Rep. Chel Diokno na dapat nakabatay sa ebidensya asin bako sa politika an magiging desisyon sa impeachment trial ni Vice President Sara Duterte.
Sa sarong intrevista, pinahimutikan man ni Diokno an mga naglalakop na pahayag na igwa na suboot na desisyon an nagkapirang senator-judges antes pa man magpuon an paglilitis.
Segun ki Diokno na nakalaag sa mga mandato kan Senado na dapat maging politically neutral, patas, asin objectivge an mga senator-judges sa pagdangog asin paghusga sa kaso.
Dagdag pa kaini na importante na mamantenir an kumpiyansa kan publiko sa proseso kan impeachment sa paagi kan matanos asin patas na pagdangog.
Nakatalaan na puunan kan Senate impeachment court an pagdangog kan kaso sa Hulyo 6 makalihis makumpleto an pre-trial proceedings.
Mientras tanto, sinabi ni Diokno na irerespeto kan House prosecution panel an magigin desisyon kan Senado kun siisay an magseserbing presiding officer sa impeachment trial.
