LEGAZPI CITY-Nanotaran an sarong pribadong kompanya sa ciudad kan Legazpi ngani halangkawan an renta kaini para sa lokal na pondo kan nasambitang ciudad.
Segun kay Legazpi City Mayor Alfredo Garbin, sa intrivesta kan Bombo Radyo Legazpi, an presenteng alkalde kan ciudad kan Legazpi bago an sunod na administrasyon, sarong pribadong kompanya an pigsingil ninda nin renta mapadapit sa kontrata kaini sa nakalihis na 10 taon.
Nanotaran suboot kan alkalde na hababa an renta kan nasambitang kompanya alagad pigheras man niya na mas halangkaw an renta kaini sa ciudad kan Naga, na piglalaoman nindang maging parehas sana an renta sa ciudad kan Legazpi.
Dagdag pa ni Mayor Garbin, na dakulang bagay ini para sa lokal na gobierno, nin huli sa makakadagdag ini sa pondo kan masunod na administrasyon, ngani makatabang sa mga programa asin proyekto sa salud, pangangaipohan sa mga bulong, asin para man sa mga health centers asin hospitals sa bilog na ciudad.
Ipinaabot ninda sa kompanya sa paagi nin surat, alagad nag-uyon man an ini sa responsableng renta na mapapaduman sa karahayan kan ciudad.
Sa presente, igwa suboot na kita na nasa minimum na P200,000 hasta P300,000 kada bulan an lokal na gobierno kan Legazpi, na mapapaduman man suboot sa mga ibang serbisyo siring kan serbisyo sa sektor kan edukasyon, agrikultura, asin sa mga parasira.
Mientrastanto, nanotaran man suboot an sarong fish port sa ciudad na iligal an kontrata.
Paliwanang pa kan opisyal na trabaho kan Mayor kan ciudad na mag-inforce nin mga direchos mapadapit sa mga properties urog na sa mga pribado asin corporate entity ngani makanigo ini sa pondo na mapaduman sa ciudad alagad makaantos man ini sa mga programa kan mismong ciudad.
Itutugon na an pagsingil sa halangkaw na renta kan pribadong sektor sa masunod na sanggunian kan ciudad kan Legazpi.
Pagirumdom man kan opisyal, bilang responsableng alkalde kan ciudad, dapat mangnohonan an mga kontrata na piglalaog kan mga gobyerno lokal urog na an pigaarkilang daga na nakatenir mismo sa ciudad, alagad riparuhon man na dapat bako lugi asin nakikinabang an ciudad asin ma-convert ini para sa mga social services sa mga baranggay.
Obheto man suboot kaini na magin “business friendl” asin magin tama asin resonable an pagbuwis urog na kung an sarong pribadong sektor piggagamit an propridades kan gobierno.
Naipasa na an nasambitang surat sa pribadong kompanya, na piglalaoman na maaprobaran sa maabot na bulan kan hulyo.
