LEGAZPI CITY – Ipigbubusol ni Sen. Robinhood “Robin” Padilla na matawan nin regular status an mga casual o contractual employees kan gobierno dawa warang civil service eligibility.
Sa Senate Bill 234 ni Padilla, pwedeng ma-regular an sarong empleyado basta nakalimang taon na sa serbisyo sa gobierno.
Magigirumduman na nagsangat man nin kaparehong Bill si Sen. Jinggoy Estrada kun sain tulong taon man an pighahagad kaini antes magin organic o regular an sarong empleyado.
Base sa datos hali sa Civil Service Commission o CSC, sa presente nasa 157,000 an non-career o non-CSC eligible employees sa gobierno mantang 450,000 an job order asin pigkakarkulong 132,000 an nasa contract service.
