LEGAZPI CITY- Mantenidong positibo sa red tide toxin an kadagatang sakop kan banwaan kan Mandaon sa provincia kan Masbate.
Base sa ibinabang Shellfish Bulletin No. 2 kan Bureau of Fisheries and Aquatic Resources (BFAR), padagos na pigpapalikay an publiko sa pagkonsumo kan mga lamang-dagat na makukua sa nasabing parte kan kadagatan.
Ipigpapagirumdom man sa gabos na dae magkakan kan anuman na shellfish asin alamang na hale digdi.
Kaibanan pa sa mga nahlingan kan presensya kan red tide toxin an Irong-irong Bay sa Western Samar; Matarinao Bay sa Eastern Samar; coastal waters kan Leyte asin Carigara Bay sa Leyte; Lianga Bay sa Surigao del Sur; Honda Bay sa Puerto Princesa City sa Palawan asin coastal waters sa Bataan.
Mientras tanto, salbado naman na kaunon an mga shellfish na hale sa Maqueda asin Villareal Bays sa Western Samar.
