Itinaas an red “flag of revenge” sa ibabaw kan dome kan Jamkaran Mosque sa Qom, Iran, bilang simbolo kan dagit asin kamawotan nin katarungan kan nacion makalihis an pagkagadan kan Supreme Leader na si Ayatollah Ali Khamenei.
Magigiromdomang nagadan si Khamenei kan Sabado sa sarong joint airstrike operations kan Israel asin Estados Unidos sa Tehran.
Kinumpirma kan Iranian state media an saiyang pagkagadan kan Domingo, na nagkawsa nin protesta asin pagkamundo sa Iran asin sa ibang nacion.
Magkaiba man an reaksyon kan pirang lider sa west kun sain inapod ni ni U.S. President Donald Trump si Khamenei na saro sa pinaka-“evil” na tawo sa historya asin binisto an saiyang pagkagadan bilang pagkakataon para sa mga Iranian na mabawi an saindang nacion.
Mientrastanto, inengganyar ni Israeli Prime Minister Benjamin Netanyahu ang mga Iranian na magkasararo laban sa rehimen.
Sa ibong na lado sa Tehran, umugong an palakpakan asin suriyaw sa mga tinampo kan nagluwas an report sa pagkagadan ni Khamenei, mantang may mahihiling na itim na aso sa lugar kun sain siya nakaistar.
Susog sa Israeli Defense Forces (IDF), si Khamenei ang utak sa mga operasyon laban sa Israel asin inapod siyang ”head of the Iranian octopus,” na may dakulang impluwensya suboot sa Middle East.
