LEGAZPI CITY- Mantenidong warang paghiro sa sitwasyon kan rehabilitation kan minahan sa banwaan kan Rapu-rapu sa Albay.
Ini an ipigheras ni Mines and Geosciences Bureau Bicol director Engr. Danny Molina sa intrevista kan Bombo Radyo Legazpi.
Pighahalat pa suboot an magigin desisyon sa pagre-release kan pondo para sa nasambit na proyekto makalihis na magkaigwa nin problema sa enot na withdrawal kan P135 million.
Nagpadara naman nin mga personahes hale sa Contingent Libability and Rehabilitation Fund Hearing committee (CLRFHC) na mayor na obheto an hilingon asin i-quantify an nagastos sa nasambit na proyekto mientras na nakatalaang ibalik an natatada pang pondo para sa accounting tangarig na maiayos an proseso asin maka-release giraray kan magkakanigong budget.
Magigirumduman na taong 2013 pa kan punan an proseso kan rehabilitasyon alagad napundo makalihis na magluwas na iligal an naging withdrawal kan ginamit na pondo.
