LEGAZPI CITY – Ikinahandal kan nagkapirang mga magurang an mga raot na spring kan seesaw sa Peñaranda Park sa Legazpi City.
Segun sa sarong magurang na si Niña Aurillas, sa intrevista kan Bombo Radyo Legazpi, na pwedesir na makadisgrasya an spring na putol sa mga kajovenesang nagkakawat sa nasabing lugar.
Dugang kaini na wara nin kudal sa parke nganing maasigurar man an kaligtasan kan mga nagpapasiring sa tinampo huli ta maoobserbaran na sarong busy road an parte kan nasambitang parke.
Nagmamawot man si Aurillas na matawan nin aksyon an nagkapira sa mga nanotarang problema nganing makaibitar sa ano man na dae piglalaomang disgrasya.
Dapat man suboot na mabantayan an Peñaranda Park nganing mamantenir an kaligtasan kan lambang saro.
Suhestyon pa kaini na dapat igwa man na nagbabantay sa lugar nganing ma-monitor an mga nagbibisita sa Peñaranda Park
